بلا عنوان

شاعرہ: عقیلہ نوال

 (بِلا عنوان)

موم ہوۓ دل پھر پتھروں کے
کانٹے بھی مرہم بننے لگے
محل بھی دیکھو ڈھیر ہوۓ
فقیروں کےاب  توکشکول سجے
شہنشاہ بھی خاک سروں میں ڈالے
اب گلی گلی میں رقص کریں
دیکھ لو شہر کے مکینوں
ظلم تو اب بس نظرِ دار ہوا

لو پھرسچ کا بازار گرم ہوا
اب منصف ، ناصف کہلاۓ گا
پھر دور عمر کا لوٹ آۓ گا
نہ وہ پلڑا ہلکا ، نہ یہ پلڑا بھاری
اب قاضی، روزی ڈھونڈے گا
زنداں بھی دیکھو ویران ہوۓ
دیکھ لو شہر کے مکینوں
ظلم تو اب بس نظرِ دار ہوا

بن میں امن کا علم لہرایا ہے
کوئی بیاباں میں تہذیب لے آیا ہے
درندےپل بھرمیں مہذب ھوۓ
مور بھی جنگل جنگل ناچے ہے
 غزل تو پیامِ مسرت ٹھہری
نظم خوشی کے گیت ہے گاۓ
دیکھ لو شہر کے مکینوں
ظلم تو اب بس نظرِ دار ہوا

بے حسی

شاعرہ: عقیلہ نوال (بے حسی)

 

ارے چھوڑیئے، نہ تماشہ کیجئے

ان گمراہوں کوآپ تو چلتا کیجئے

کیا اصلاح اب  آپ کریں گی۔۔۔۔۔

پی گھو نٹ صبر کے نظارہ کیجئے

کیا ھوا؟ کیوں خاموش بیٹھی ہیں

کچھ اس گفتگو سے استفادہ کیجئے

بے حسی  بھی اب نعمت ٹھہری

رب سے اس کا بھی تقاضاکیجئے

یا کند ھوں پہ سچ کا بوریا لئے

آپ گلی گلی نگر نگر پھرا کیجئے

عجب میلا لگا جہاں بھر میں عین

لطف اٹھا یئے، یوں نہ ھارا کیجئے